Vorstellung Lagerleitung

Ramona Hunziker

Ich bin d’Ramona bin 20i und han en abgschlossni Lehr als Fachfrau Behindertebetreuig. Momentan bini in Luzern ide Stiftig Rodtegg am schaffe. Mini Hobbies sind natürlich de Blauring, Musig lose und spile inere Gugge mit. Sit em Johr 2014 bini Leiterin vo de natürlich vill coolste Gruppe Namida.

Selina Burkard

Ich bin d‘ Selina, bin 19i und ghöre somit na zu de jüngere Leiterinne im Blauring. Ich ha etz de Summer mini Lehr als Medizinischi Praxisassistentin in Knonau beendet. Mini Freizit gstalte ich vor allem mit Blauring und Sport.
Mit de Michelle, de Jasmin und de Anouk zeme leite ich d’Gruppe Maumary.
Ich gnüsses immer sehr mit minere Gruppe cooli sache z erlebe und bin sehr gern en Leiterin vo so viele lebendige und ufgstellte Chind.
Es Highlight für mich stellt im Blauring s’Schaarspiel i jedem Lager dar.

Tim Seres

Sale zeme bin de Tim Seres us Muri.
Bin 4. Lehrjohr Steft bide Wyli Holz als Zimmermah. Ide Jungwacht bini im Bautrupp und zueständig für d Festzeltvermietig und s Magazin. Mini Hobbys sind Jungwacht und Guggemusig.

Yannic Loertscher

Tschoo zäme, ich bin de Yannic und das Jahr i de Lagerleitig. Ech chome jetzt is 4. Lehrjahr als Zimmermah und mini Hobbys sind Jungwacht und Bike.